高貴又實惠好用嘅本地品牌化妝掃系列 ❤ ZOAY DELUXE

化一個妝容, 除咗各種護膚品及彩妝品之外, 作為一位化妝師, 個人覺得化妝掃都好重要㗎。
最近發現有個香港本地化妝掃品牌 ~ ZOAY 推出咗新系列 [ZOAY Deluxe]專業化妝掃, CP 值高, 價錢又親民。
 
ZOAY 嘅化妝掃都係出自大品牌嘅同廠。 而呢套 [ZOAY Deluxe] 採用專業技術加上全人手工藝制造, 由韓國設計師親自設計, 掃頭連接位以磨砂金屬 + 粉紅手抦,高貴得嚟更有氣質, 但又不失甜美喎, 真係靚到唔捨得用呀。
一套 Deluxe 套裝包括 :
S01 
尖頭碎粉掃 $118
S02 
指感粉底掃 $118
S03 
局部修容掃 $49
S04 
斜頭暈染眼影掃 $49
S05 
筆型暈染修容掃 $49
每支化妝掃包裝都有寫明佢嘅用途, 就算新手都可以輕易上手啦。
以纖細嘅人造纖維毛制造, 毛量好豐滿, 質感好順滑, 掃上面感覺好舒服, 唔會有吉吉嘅感覺, 而且佢嘅抓粉力好高, 輕輕一圈已經抓起足夠嘅化妝品, 上妝更加輕易。
S01 尖頭碎粉掃
最愛呢款醉粉掃, 尖頭設計令臥蠶同鼻翼位置都可以輕鬆定妝。
 
S02 指感粉底掃
採用咗韓國的壓縮技術令毛量增加 30%, 管柄仍然採用較細的鋁管,令掃毛力度更集中, 更接近手指上粉底的力度, 但又比手指上粉底的效果自然喎, 是粉底掃設計的一大突破, 可以有效推開粉底液或 BB Cream 等液體的化妝品, 輕鬆打造透薄自然嘅底妝。
 
S03 局部修容掃
鬆鬆嘅纖維毛可以用作光影或者陰影, 塑造立體嘅輪廓。
 
S04 斜頭暈染眼影掃
輕輕掃開出奇令眼妝均勻有層次柔和, 漸變效就算新手都做到呀。
 
S05 筆型暈染修容掃
除咗可以用嚟修飾鼻型之外, 仲可以打鬆眼頭眼尾位置, 增加立體感。
 
一套五支已經可以輕鬆打造自然妝容, 帶去旅行都好方便啦。 最鐘意係佢抓粉力好好又舒服, 化妝時間都快咗呀。而且用咗幾次都無甩毛嘅情況, 值得推介俾你地呀。
 
[ZOAY DULUXE] 是 ZOAY 團隊努力咗一整年的成果,為求帶給大家可以擁有價錢實惠而又高質素嘅的化妝掃選擇,作為香港人應該多多支持這個本土小品牌, 令香港都可以擁有自己的化妝掃品牌。